საგადასახადო სამართალი

საგადასახადო კანონმდებლობა არის ერთ-ერთი ყველაზე რთული და დინამიკურად ცვლადი სფერო ბიზნესისთვის. სწორედ ამიტომ, ჩვენი გუნდი სთავაზობს კლიენტებს დეტალურ და პრაქტიკაზე ორიენტირებულ სამართლებრივ მხარდაჭერას — როგორც ყოველდღიური საქმიანობის დროს, ასევე დავის არსებობის შემთხვევაში. ჩვენ ვმუშაობთ იმისთვის, რომ თქვენი საგადასახადო ვალდებულებები იყოს არა მხოლოდ სამართლებრივად გამართული, არამედ რაციონალურად დაგეგმილი და დაცული.

რას ვთავაზობთ კლიენტებს:

ყოველდღიური საგადასახადო კონსულტაციები

• ვაწვდით კლიენტებს სამართლებრივ რჩევებს სხვადასხვა ტიპის გადასახადებზე, ორმაგი დაბეგვრის საკითხებზე და კომერციულ საქმიანობაში არსებულ საგადასახადო რისკებზე.

გადასახადების დაგეგმვა და ოპტიმიზაცია

• ვეხმარებით როგორც ადგილობრივ, ისე საერთაშორისო ორგანიზაციებს საგადასახადო თვალსაზრისით ეფექტიანი და გონივრული დაგეგმვის პროცესში. ჩვენი მიზანია, კლიენტებმა შეძლონ მოქმედი საგადასახადო კანონმდებლობის ფარგლებში მინიმალური საგადასახადო ტვირთის მიღწევა, რისკების თავიდან არიდება და ბიზნესის სტრატეგიულად მართვა.

წინასწარი საგადასახადო დასკვნები

• ვემზადებით და ვახორციელებთ კომუნიკაციას შემოსავლების სამსახურთან კლიენტის სახელით, რათა მივიღოთ წინასწარი პოზიცია კონკრეტულ საგადასახადო საკითხებზე.

საგადასახადო რეჟიმები და შეღავათები

• ვაძლევთ დეტალურ რჩევებს საქართველოს საგადასახადო კოდექსით გათვალისწინებული სპეციალური რეჟიმების შესახებ და ვუწევთ თანმხლებ მომსახურებას.

საბაჟო პროცედურები

• ვაძლევთ სამართლებრივ მხარდაჭერას იმპორტისა და ექსპორტის პროცესებთან დაკავშირებულ სამართლებრივ საკითხებზე.

საგადასახადო დავები

• ვაწარმოებთ კლიენტის ინტერესების დაცვას შემოსავლების სამსახურისა და ფინანსთა სამინისტროს დავების საბჭოებში, ასევე სასამართლო ინსტანციებში.