საკორპორაციო სამართალი

ჩვენი იურიდიული კომპანია უზრუნველყოფს კლიენტებისთვის სრულყოფილ და სტრატეგიულ სამართლებრივ მომსახურებას საკორპორაციო სამართლის ყველა ეტაპზე.

რას ვთავაზობთ კლიენტებს:

კომპანიის დაფუძნება და სამართლებრივი სტრუქტურის შერჩევა

• ვეხმარებით კლიენტებს ბიზნესის ფორმის სწორად შერჩევაში (შპს, სს, ფილიალი, წარმომადგენლობა და სხვა), საჭირო დოკუმენტაციის მომზადებასა და საჯარო რეესტრში რეგისტრაციაში.
• ვუზრუნველყოფთ კომპანიის სტრუქტურის სამართლებრივად გამართულ და საქმიანობაზე მორგებულ ჩამოყალიბებას.

კორპორაციული მმართველობის მოდელის შექმნა

• ვამზადებთ წესდებებს, პარტნიორთა შეთანხმებებსა და შიდა დოკუმენტაციას, რომელიც მკაფიოდ განსაზღვრავს უფლებამოსილებებს, მართვის მექანიზმებს, პასუხისმგებლობებსა და გადაწყვეტილების მიღების წესს.

წილების მართვა და კაპიტალის ოპერაციები

• ვაწვდით სამართლებრივ კონსულტაციას წილის შეძენა/გაყიდვის, გადაცემის, გაყოფის ან გაერთიანების პროცესებში.
• ვუწევთ სრულ მხარდაჭერას ინვესტორის შემოყვანის, საწესდებო კაპიტალის გაზრდის ან შემცირებისას.

დირექტორის დანიშვნა და უფლებამოსილებები

• ვამზადებთ დირექტორის დანიშვნის, უფლებამოსილებების განაწილებისა და წარმომადგენლობის წესის შესახებ დოკუმენტაციას, რაც იცავს როგორც კომპანიის, ასევე პარტნიორთა ინტერესებს.

ლიკვიდაცია და საქმიანობის შეწყვეტა

• ვამზადებთ ლიკვიდაციის პროცედურის დაწყებისა და სამართლებრივი ფორმალობების შესრულებისთვის საჭირო დოკუმენტაციას, ვუწევთ მხარდაჭერას კრედიტორებთან ურთიერთობასა და ლიკვიდატორის დანიშვნაში.

მოლაპარაკებები და პარტნიორთა შორის დავების გადაწყვეტა

• ვეხმარებით კლიენტებს პარტნიორებს შორის ურთიერთობების მართვაში და დავების პრევენციაში, როცა საქმე ეხება მმართველობას, წილის განკარგვას, მოგების განაწილებას, გადაწყვეტილებების მიღების წესს და სხვა საკორპორაციო სამართლებრივ საკითხებს.
• კლიენტებს ვუწევთ წარმომადგენლობას მოლაპარაკებების პროცესში, სასამართლოში, არბიტრაჟსა და მედიაციაში.