საბანკო და საფინანსო სამართალი

საფინანსო სექტორი დინამიკურად ცვალებად სამართლებრივ რეალობაში მოქმედებს, რაც განსაკუთრებულ ყურადღებასა და სისტემურ მიდგომას მოითხოვს. ჩვენი გუნდი უზრუნველყოფს ფინანსური სექტორის რეგულაციების დეტალურ ანალიზს და კლიენტებისთვის ამ ცვლილებების ადაპტაციის პროცესში საიმედო სამართლებრივ მხარდაჭერას.

რას ვთავაზობთ კლიენტებს:

რეგულაციებთან შესაბამისობა და ურთიერთობა ზედამხედველ ორგანოებთან

• ვამზადებთ სამართლებრივ შეფასებებს და ვუწევთ კლიენტებს კონსულტაციას ეროვნული ბანკის, აუდიტისა და სხვა მარეგულირებელი ორგანოების მოთხოვნებთან შესაბამისობის საკითხებზე.

• ვუწევთ კლიენტებს დახმარებას ლიცენზირების, რეგისტრაციისა და ანგარიშგების სამართლებრივი უზრუნველყოფის კუთხით.

• წარმოვადგენთ კლიენტებს რეგულატორებთან კომუნიკაციის პროცესში.

საკრედიტო ურთიერთობების სამართლებრივი მხარდაჭერა

• ვამზადებთ და ვამოწმებთ საკრედიტო ხელშეკრულებებს, გარანტიებს, გირავნობებსა და უზრუნველყოფის სხვა ფორმებს.

• ვუწევთ კონსულტაციას საკრედიტო რისკების სამართლებრივ ანალიზსა და მათი მინიმიზაციის გზებზე.

• ვმონაწილეობთ მოლაპარაკებებში და ვემსახურებით როგორც კრედიტორების, ისე მსესხებლების ინტერესებს.

დავები და პრობლემური სესხები

• წარმოვადგენთ კლიენტებს ფინანსური დავების გადაწყვეტის პროცესში როგორც სასამართლო, ისე მედიაციისა და არბიტრაჟის ფორმატში.

• ვუწევთ კონსულტაციას პრობლემური სესხების სამართლებრივ მართვაზე და შესაძლებლობის ფარგლებში, ვაწყობთ გადახდის გადავადების ან პირობების გადახედვის პროცესებს.

სესხები და საკრედიტო ურთიერთობები

• ვამზადებთ და ვაფასებთ სესხის ხელშეკრულებებს.

• ვახორციელებთ საკრედიტო ხაზებისა და ფინანსური ინსტრუმენტების სამართლებრივ ანალიზს

• მონაწილეობას ვიღებთ ინვესტორებთან და მსესხებლებთან მოლაპარაკებების პროცესში.