ჩვენ გთავაზობთ პერსონალურ მონაცემთა დაცვის ოფიცრის მომსახურებას, რომლის მიზანია თქვენი ორგანიზაციის საქმიანობის სრულყოფილი შესაბამისობა როგორც საქართველოს მოქმედ კანონმდებლობასთან, ისე ზოგადი მონაცემთა დაცვის რეგულაციასთან (GDPR).

პერსონალურ მონაცემთა დაცვის ოფიცერი ახდენს პერსონალური მონაცემების დამუშავების კანონიერების მონიტორინგს, აფასებს და ამცირებს სამართლებრივ რისკებს და უზრუნველყოფს მონაცემთა უსაფრთხოების სტანდარტების დაცვას.

• პერსონალურ მონაცემთა დამუშავების კანონიერების შეფასებას;
• მონაცემთა დამუშავების პროცედურების შემუშავებას და მათ სამართლებრივ ანალიზს;
• მონაცემთა უსაფრთხოების ინციდენტების შეფასებას და რეაგირებას;
• სამართლებრივი მხარდაჭერის უზრუნველყოფას მონაცემთა დაცვის საკითხებზე;
• მონაცემთა დაცვის პოლიტიკის და შიდა დოკუმენტაციის მომზადებას;
• წერილობითი რეკომენდაციების/მოხსენებების მომზადებას ხელმძღვანელობისთვის — ორგანიზაციისთვის პერსონალურ მონაცემთა დაცვის საკითხებზე ანალიტიკური ანგარიშების წარდგენა.
• დოკუმენტაციის რეგულარული განახლება მოქმედი კანონმდებლობის შესაბამისად;
• საჭიროების შემთხვევაში — კომუნიკაცია და კოორდინაცია პერსონალურ მონაცემთა დაცვის სახელმწიფო ინსპექციასთან.

ვინ არის ვალდებული ჰყავდეს პერსონალურ მონაცემთა ოფიცერი?

საქართველოს კანონმდებლობის თანახმად, პერსონალურ მონაცემთა დაცვის ოფიცრის დანიშვნა სავალდებულოა შემდეგი კატეგორიის ორგანიზაციებისთვის:

• საჯარო დაწესებულებები;
• სადაზღვევო ორგანიზაციები;
• კომერციული ბანკები და მიკროსაფინანსო ორგანიზაციები;
• საკრედიტო ბიუროები;
• ელექტრონული კომუნიკაციის კომპანიები;
• ავიაკომპანიები და აეროპორტები;
• სამედიცინო დაწესებულებები;

აგრეთვე ის პირები (მათ შორის კერძო კომპანიები), რომლებიც:

• ამუშავებენ მნიშვნელოვანი რაოდენობის მონაცემთა სუბიექტის პერსონალურ მონაცემებს, ან
• ახორციელებენ მონაცემთა სუბიექტების ქცევის სისტემატურ და მასშტაბურ მონიტორინგს.